पर्वतको कुश्मा नगरपालिकास्थित वितलबमा एक स्थानीयको घरमै राखेको ट्याम्पोको इन्धन ट्याङ्कीमा अज्ञात व्यक्तिले नून राखिदिदा इन्जिनमा क्षति पुगेको छ । नगरपालिका वडा १० बाख्रेपानीका दिपक पौडेलको ट्याम्पो-अटो)को इन्धन ट्याङकीमा रातीको समयमा नून राखेको पाइएको हो ।
आर्थिक रुपमा सामान्य अवस्थामा रहेका ५० वर्षे उमेरका पौडेल विगत दुई वर्षदेखि ट्याम्पो चालकको रुपमा काम गर्दै आउनु भएको छ । चालक पौडेलको दैनिकी विहान ट्याम्पो स्टार्ट गरी काममा जानु हुन्छ । शनिवार विहान ट्याम्पो स्टार्ट गर्न खोज्दा इन्जिनमा समस्या देखिनु र ट्याङ्की मुन्तिर नून पाइनुले चालक पौडेलको मनमा चिसो पस्यो । पौडेलले गाडीमा राखेर ट्याम्पोलाई मर्मतका लागि कुश्मा बजारको वर्कसपमा ल्याउनु भएको थियो ।
चालक पौडेलका अनुसार ट्याम्पो मर्मतका लागि सात हजार बढी रकम खर्च गर्नु प¥यो । पौडेलले दुःखेसो पोख्दै भन्नुहुन्छर्–ट्याम्पो खरीद गर्न लिएको ऋणको किस्ता तिर्न बचत गरेको रकम विनसित्तैमा मर्मतका लागि खर्चिनु प¥यो । मिस्त्रीको देखाउदा इन्जिन, फ्युल पम्प र फिल्टर लगायतमा क्षति पुगेको हैछ । मैले कसैको केही विगारेको छैन । किन मेरो खाने थाल खोस्न कसले खोजेको होला ?Ú
सात लाख बढी ऋण लिई एक वर्ष अघि खरीद गरेको ट्याम्पोको कमाइबाट पौडेलको घरपरिवारको खर्च चल्दै आएको छ । पौडेललाई तीन छोरी र एक छोरा सहित श्रीमतीको गुजारा धान्दै आउनु परेको छ । वैदेशिक रोजगारका लागि दश वर्ष भारत र केही वर्ष कतार बसेर पनि आर्थिक रुपमा भनेजस्तो भएन । विदेशबाट फर्केर पौडेलले केही वर्ष गाईभैसी पालन गर्दा पनि खासै चित्तबुझ्दो हुन नसकेपछि ट्याम्पो चलाउन थालेको बताउनुहुन्छ ।
ट्याम्पोको कमाइले जेनतेन जीवन निर्वाह गरेका सामान्य लेखपढ भएका पौडेल यतिखेर भने पीडित बन्नुपरेको छ । पौडेलले कुश्मा खरेहाको झोलुङ्गे पुलदेखि कटुवाचौपारी, ठुलीपोखरीसम्म साथै सिल्मी हुँदै शंकरपोखरीसम्म आवतजावत गर्ने याात्रीलाई सेवा दिदै आउनुभएको छ ।
आफूलाई दुःख दिनेले अर्कोलाई पनि फेरि दुःख नदेओस् भनी दुःख दिनेको खोजी हुनुपर्छ भन्ने पीडित पौडेलको भनाई छ । पीडित पौडेलले आफ्नो ट्याम्पोलाई क्षति पुराउने विरुद्ध उजुरी दिने बताउनुभएको छ । वडा १० का अध्यक्ष रामचन्द्र सुवेदीले इन्जिन विगार्नलाई नून राख्नु अपराध भएको हुँदा दोषीलाई कडा कारवाही गरिनुपर्ने बताउनुहुन्छ । अध्यक्ष सुवेदीले शंका लागेको व्यक्ति उपर उजुरी गर्न अनुरोध गर्दै पीडितलाई न्याय दिलाउन सहयोग गर्ने बताउनुभयो ।