पर्वत जेसीजले युवालाई खेलकुदमा आकर्षित गर्दै स्थानीय खेलाडीको प्रतिभा पहिचान तथा प्रवद्र्धन गर्ने उद्देश्यले रु.१ लाख ११ हजार राशिको ७ ए साइड खुला फुटबल प्रतियोगिता आयोजना गर्ने भएको छ । प्रतियोगिता यही साउन २८ गतेदेखि ३१ गतेसम्म पर्वत जिल्लाको कुश्मा नगरपालिकाको बडागाउँ खेल मैदानमा संचालन हुनेछ ।
पर्वत जेसीजको आयोजनामा हुने प्रतियोगितामा जिल्ला भित्र तथा बाहिरका विभिन्नन फुटबल क्लब तथा टोलीको सहभागिता रहने आयोजकले जनाएको छ । पर्वत जेसीजका अध्यक्ष–२०२६ जेसी शर्मिला शर्माका अनुसार प्रतियोगितामार्फत् जिल्लामा फुटबल खेलको विकास गर्नुका साथै युवामा अनुशासन, नेतृत्व क्षमता र आपसी भाइचाराको भावना विकास गर्ने लक्ष्य राखिएको छ । प्रतियोगितामा राष्ट्रिय स्तरका उत्कृष्ट टोलीहरुको सहभागीता रहनेछ ।
प्रतियोगिताको विजेता टोलीले रु.१ लाख ११ हजार १११ नगद सहित ट्रफी, मेडल र प्रमाणपत्र प्राप्त गर्नेछ । उपविजेतालाई रु.५५ हजार ५ सय ५५ नगदसहित ट्रफी, मेडल र प्रमाणपत्र दिइनेछ । उत्कृष्ट खेलाडी, उत्कृष्ट गोलरक्षक, सर्वाधिक गोलकर्ता, उदयीमान खेलाडी, फेयर प्ले टिमका लागि समेत विशेष पुरस्कारको व्यवस्था गरिएको आयोजकले जनाएको छ । आयोजकका अनुसार अहिलेसम्म ३ वटा टिमले प्रतियोगिताका लागि दर्ता गरिसकेको र १६ वटा टिम सम्पर्कमा आएका छन् ।
गतिविधिमा टेवा पुग्ने आयोजकको विश्वास छ । पर्वत जेसीजले शनिवार पर्वत जेसीज कपको अनावरण कार्यक्रमको आयोजना गरेको थियो । कार्यक्रममा प्रमुख अतिथि रहनु भएका अध्यक्षीय क्लव अध्यक्ष सिनेटर कृष्णप्रसाद श्रेष्ठले कपको अनावरण गर्नुभएको थियो ।
पर्वत जेसीज नेपाल जेसीजअन्तर्गतको गैरराजीतिक तथा गैरनाफामूलक युवा संस्था हो । सन् १९९६ मा स्थापना भएको पर्वत जेसीजले व्यक्तित्व तथा नेतृत्व विकाससँगै सामाजिक पर्वतलाई खेलकुद गतिविधिको केन्द्रका रुपमा प्रवद्र्धन गर्न सहयोग पुग्ने साथै स्थानीय पर्यटन तथा आर्थिक, शैक्षिक, स्वास्थ्य, वातावरण र खेलकुदका क्षेत्रमा विभिन्न गतिविधि संचालन गर्दै आएको छ ।