पर्वतको बाच्छा गाउँबाट यस वर्ष एक करोड मूल्य बढीको भक्तपुरे लोकल काक्राको बिउ उत्पादनको आंकलन गरिएको छ । विहादी गाउँपालिका वडा १ मा पर्ने बाच्छा गाउँका कृषकले वर्षेनी बिउ काक्राको व्यावसायिक खेती गर्दै आएका छन् ।
बाच्छाको सिर्जनशील कृषक समूहले यस वर्ष १ हजार ४ सय केजी काक्राको समूूहगत बिउ उत्पादन हुने आंकलन गरेको छ । कृषक समूहमा ३२ जना सदस्यहरु समावेश छन् । यो समूह भन्दा बाहेक पनि गाउँमा काक्राको विउ उत्पादनमा लागेका कृषकको संख्या उल्लेख्य छ । कृषक समूहका अध्यक्ष शिव कुमार क्षेत्रीका अनुसार गत वर्ष विउको जिल्लादर रेट प्रति केजी ६ हजार कायम गरिएको थियो । गतवर्षको दररेट अनुसार मूल्य आउँदा मात्रै पनि कृषक समूहको मात्रै उत्पादित काक्राको विउको मूल्य ८० लाख भन्दा बढी रकम हुन्छ ।
यसपाली काक्राको झालमा असीनाले चुट्न नपाएको र मौसम अनुकूल हुँदा उत्पादन राम्रो हुन पुगेको कृषकहरुको भनाई छ । अगुवा कृषक क्षेत्रीले ४५ रोपनी जग्गामा विउ उत्पादनका लागि काक्राको खेती गर्नुभएकोमा ९० केजी विउ उत्पादन भएको छ । फागुनको पहिलो हप्ता लगाएको काक्रा वैशाखको अन्तिमसम्ममा विउका लागि तयार भइसकेको हुन्छ ।
दक्षिण कोरियाबाट गाउँ फर्किएर कृषि पेशा अंगाल्नु भएका कृषक क्षेत्री आफ्नो पेशामा सन्तुष्ट र खुशी हुन्ॉहुन्छ । कृषक क्षेत्रीले कृषकलाई ऋण नपत्याएकोमा दुखेसो पोख्नुहुन्छर्–सरकारले कृषकलाई सहुलियत ब्याजदरमा कृषि ऋण दिनुपर्छ । कृषि विकास वैंकले ऋण दिन्छु भनेर अन्तिममा कृषि जग्गामा पक्की बाटो नपुगेको रहेछ । बाटो नपुगपछि धितो उपयुक्त नभएको भनी अन्तिम क्षणमा ऋण नदिएकोमा चित्त दुखेको छ । यो समस्या मेरो व्यक्तिगत मात्र नभई कृषि क्षेत्रमा थप लगानी गर्न खोज्ने कृषकहरुको साझा समस्या हो ।Ú
बाच्छाकै कृषक मुना पाण्डे क्षेत्रीले ६० केजी काक्राको विउ उत्पादन गर्नुभएको छ । कृषक झलक आचार्यले ५५ रोपनीमा गरेको काक्रा खेतीबाट १ सय केजी विउ उत्पादन गर्न सफल रहेको बताउनुभयो । कृषक आचार्यका अनुसार अन्य कृषि बाली भन्दा काक्राको विउ उत्पादनबाट राम्रो कमाइ हुने गरेको छ । मूल्य तोकेर विउ खरीद गरिसकेपछि समयमा सिड कम्पनीहरुले मूल्य भुक्तानी नगर्ने गरेको गुनासो विउ उत्पादक कृषकहरुको छ । कृषि विकास कार्यालय पर्वतका प्रमुख गोपाल लामिछानेले जिल्लाको जलजला गाउँपालिका क्षेत्रका कृषकहरुको काक्रा खेतीमा असीनाले असर गर्दा विउ उत्पादनमा कमी हुने देखिएको छ भने बाच्छा र फलेवास क्षेत्रका कृषकहरुको उत्पादन भने राम्रो रहेको बताउनुभयो ।
प्रमुख लामिछानेका अनुसार जलजला क्षेत्रमा मात्रै १५ हेक्टर जग्गामा विउ उत्पादनका लागि कृषकहरुले काक्राको खेती गरेका छन् । असीनाले हिर्काएपछि कृषकहरुले ३० प्रतिशत विउ उत्पादन हुने र बाँकी काक्राको फल नै विक्री गर्ने बताएका छन् । यसवर्ष जिल्लाभरबाट करीव २ करोड मूल्य बराबरको काक्राको विउ उत्पादन हुन सक्ने आंकलन कृषि कार्यालय पर्वतका प्रमुख लामिछानेको छ ।