पर्वतको फलेवास नगरपालिकामा विशेषज्ञ डाक्टर सहितको टिमले आज माघ १ गते ग्रामीण जनताको निःशुल्क स्वास्थ्य परीक्षण गरिदैछ । फलेवास नगरपालिका ३ शंकरपोखरीमा सहिद हरिदत्त तिवारी स्मृति प्रतिष्ठानले विशेषज्ञ सहितको निःशुल्क स्वास्थ्य शिविरको आयोजना गरेको हो । त्रिभुवन माध्यमिक विद्यालयको प्राङ्गणमा गरिने निःशुल्क स्वास्थ्य परीक्षणमा निःशुल्क औषधि वितरण समेत हुने जनाइएको छ ।
गाउँगाउँबाट स्वास्थ्य सेवा लिन आउने सर्वसाधारणले लिन पाउने स्वास्थ्य सेवाहरुमा मुटु रोग, हाडजोर्नी, स्त्री रोग, जनरल सर्जरीसँगै बाल रोग छन् । स्वास्थ्य शिविरमा हुने निःशुल्क परीक्षणहरुमा भिडियो एक्स रे, मुटु जाँचका लागि ईसिजी सेवा लगायत उपलब्ध हुने आयोजकको भनाई छ । स्वास्थ्य सेवामा मुलुककै ख्याति विशेषक्ष सहभागी हुने स्वास्थ्य शिविरमा विहान ८ बजेदेखि नै सर्वसाधारणहरु स्वास्थ्य परीक्षणका लागि आउन थालिसकेका छन् ।