नेपाली कम्युनिष्ट पार्टीका संयोजक तथा पूर्वप्रधानमन्त्री पुष्पकमल दाहाल प्रचण्ड आज दिउँसो पर्वतको कुश्मामा आउदै छन् । चुनावी सरगर्मी बढेको साथै भर्खरै नेकपाको चुनावी प्रतिवद्धता समेत सार्वजनिक भइरहेको बेला प्रचण्डको आगमनलाई पर्वतमा विशेष महत्वले हेरिएको छ ।
नेकपा पर्वतका अनुसार पुर्व प्रधानमन्त्री प्रचण्डसँग खुल्ला जनसंवादको कार्यक्रम आयोजना गरिएको छ ।

जेन्जी विद्रोहलाई भ्रष्टचारका विरुद्ध र सुशासनका लागि गरिएको युवाको विद्रोहलाई जायज भनी पार्र्टीको तर्फबाट अपनत्व लिने काम गरेका प्रचण्डको परिवर्तनकारी सोचलाई जेन्जी पुस्ताले समेत मन पराएको देखिन्छ । जनसंवाद कार्यक्रममा जिल्लामा सक्रिय जेन्जी पुस्ताका युवाहरुले सक्रिय सहभागीता जनाउने बताइएको छ ।
पोखराबाट आउँदै गरेका प्रचण्डको जनसंवाद कार्यक्रममा सहभागीता जनाउन केवल पार्टी पंक्तिका कार्यकर्ता नभई सर्वसाधारण, युवा, विद्यार्थी, बुद्धिजीवि, सामाजिक व्यक्तित्वहरु, उद्यमीव्यवसायीहरु लगायतको लालायित देखिएको पाइन्छ । जनसंवाद कार्यक्रम कुश्माको होटल बन्दनाको सम्मेलन हलमा आयोजना गरिएको छ । कार्यक्रममा नेकपा पर्वतका प्रतिनिधिसभा सदस्यका उम्मेदवार मनहरि तिमिल्सिना लगायत केन्द्रिय सदस्य तहका राजनीतिक व्यक्तित्वहरुको सहभागीता रहने नेकपा केन्द्रिय सदस्य सुदिप कुँवरले बताउनुभयो ।