प्यालेस्टिनी लडाकू समूह हमामले इजरायलमा आक्रमण गर्दा बेपत्ता पारिएका नेपाली विद्यार्थी विपिन जोशी जीवित नरहेको जानकारी इजरायली सेनाका अधिकारीले बताएका छन् ।

इजरायल र हमासबीच युद्धविराम भएपछि बन्धक छुटाउने क्रममा सोमबार इजरायली सेनाका अधिकारीहरुले जोशीको परिवार र नेपाली राजदूतावासलाई विपिन जीवित नरहेको जानकारी दिएका छन् ।

२०८० असोज २० मा हमास लडाकु इजरायली भूमिमा प्रवेश गरी आक्रमण गर्दा १० जना नेपाली विद्यार्थीसहित करिब १ हजार २०० जना मारिएका थिए । ४ जना नेपाली विद्यार्थी घाइते भएका थिए । एक जना जोशी बेपत्ता थिए ।