बाग्लुङको निरयघाटमा निर्माणाधिन मानवसेवा आश्रमको भौतिक संरचना निर्माण गर्न आयोजना गरिएको महायज्ञमा करीव ७ करोड रकम संकलन भएको छ । मानवसेवा आश्रमको आयोजनामा भएको श्रीमद् भागवत सप्ताह ज्ञान–विज्ञान महायज्ञमा सर्वसाधारण भक्तजनको सहभागीता उत्साहजनक रहदै आएको छ ।
यहीँ कार्तिक २१ गतेदेखि २८ गतेसम्म संचालन हुने भनिएको महायज्ञको छैठौं दिन पुरा हुँदै गर्दा साढे ६ करोड बढी रकम सहयोग संकलन भएको आयोजक समिति सचिव युक्त सुवेदीले बताउनुभयो ।

महायज्ञमा भागवत भाष्कर वाचक कमलनयन गौतमले भागवत वाचन गर्नुभएको छ भने मानवसेवा आश्रमका केन्द्रिय अध्यक्ष रामजी अधिकारीले ूआर्ट अफ ह्यापिनेसू र ूसकारात्मक सोचू विशेष कार्यक्रमको संचालन गर्नुभएको छ । कार्यक्रम स्थलमा विहान हुने योग शिविर एकदमै प्रभावकारी रहेको सहभागीहरुको भनाई छ । योगशिविरको प्रशिक्षण वरिष्ठ योग प्रशिक्षक ललित शंकर योगीले गर्दै आउनु भएको छ । महायज्ञ आयोजक समितिका सहसंयोजक तथा बाग्लुङ नगरपालिकाका उपमेयर राजु खड्काका अनुसार योगशिविरमा दैनिक ४ सय जना बढी सहभागी हुँदै आएका छन् । सहभागीहरुको लोभलाग्दो सहभागीता र माग पछि आयोजकले सप्ताहव्यापी कार्यक्रमलाई एक दिन थप गरी २९ गतेसम्म पुराएको छ ।

कार्यक्रममा बाग्लुङ, पर्वत र म्याग्दीका सम्पूर्ण विद्यालयका शिक्षकहरु, उद्योगवाणिज्य संघका सदस्यहरु, सामाजिक, सरकारी तथा गै¥हसरकारी संस्थाका कर्मचारीहरु र जनप्रतिनिधिहरुको सहभागीता रहेको छ । कार्यक्रमबाट खासगरी स्कुले बालबालिकाहरु बढी लाभान्वित भएका छन् । मानवसेवा आश्रमले कालीगण्डकी तटीय क्षेत्रमा रहेको निरयघाटमा ११ करोड अनुमानित लागतको २२ कोठे पक्की भवनको निर्माण गर्दैछ । भवन निर्माणका लागि हालसम्म ४ करोड रकम खर्च भइसकेको छ ।
मानवसेवा आश्रमले घरबारविहीन, असहाय भई सडकपेटीमा जीवन गुजार्न बाध्य मानवका लागि आश्रय दिदै आएको छ । मानवसेवाको क्षेत्रमा निस्वार्थ होमिएको संस्था भएको हुँदा पनि मानवसेवा आश्रमले आयोजना गरेको महायज्ञमा सर्वसाधारणले मनैदेखि साथ सहयोग दिएको सर्वसाधारणको ठम्याइ छ ।